ដៃគូលើវិស័យព្រៃឈើ និងជលផល នៅកម្ពុជា (PaFF)
ដៃគូលើវិស័យព្រៃឈើ និងជលផល នៅកម្ពុជា (PaFF)
កម្មវិធីដៃគូដើម្បីគាំទ្រសហគមន៍ព្រៃឈើ
ដំណាក់កាលទី ១៖ ២០១៤- ២០១៦
ដំណាក់កាលទី ២៖ ២០១៧-២០១៩
ដំណាក់កាលទី ៣៖ ២០២០-២០២២
ការចិញ្ចឹមជីវិតរបស់ប្រជាជនកម្ពុជា នៅជនបទភាគច្រើនពឹងផ្អែកលើធនធានជីវៈចម្រុះក្នុងទឹក និងព្រៃឈើ។ ប៉ុនែ្តទោះបីជាយ៉ាងណាក៏ដោយធនធានព្រៃឈើ និងជលផលបានចាប់ផ្តើមថយចុះចាប់តាំងពីទសវត្ស ១៩៧០ រហូតមកដល់ឆ្នាំ ២០១០។
ជាការឆ្លើយតបជាមួយការបាត់បង់យ៉ាងឆាប់រហ័សនេះ យុទ្ធសាស្រ្តនានាត្រូវបានបង្កើតឡើងក្នុងវិស័យទាំងពីរ។ កម្មវិធីព្រៃឈើជាតិ (NFP) ត្រូវបានអនុម័តដោយផ្តល់ជាក្របខ័ណ្ឌសម្រាប់ការអនុវត្តន៍ការគ្រប់គ្រងព្រៃឈើប្រកបដោយនិរន្តភាពជាមួយសហគមន៍ព្រៃឈើ និងតាមរយៈយុទ្ធសាស្រ្តផ្សេងៗ ដើម្បីបង្កើនការរួមចំណែកក្នុងវិស័យព្រៃឈើទៅលើសន្តិសុខស្បៀង ការបង្កើតការងារ ការបង្កើនប្រាក់ចំណូល ពាណិជ្ជកម្មផលិតផលព្រៃឈើ និងហិរញ្ញប្បទានកាបូន (NTFP-EP et al 2013)។ សម្រាប់វិស័យជលផល ក្របខ័ណ្ឌផែនការយុទ្ធសាស្ត្រជលផល ផ្តល់សិទ្ធិដល់សហគមន៍មូលដ្ឋានសម្រាប់ការចូលរួមក្នុងការការពារ និងការគ្រប់គ្រងធនធានជលផលប្រកបដោយនិរន្តរភាព។
ខេត្តក្រចេះ និង ស្ទឹងត្រែង ជាខេត្តដែលសំបូរទៅដោយជីវៈចម្រុះ និងធនធានធម្មជាតិ។ ប្រជាជនប្រហែល ៥០០០០នាក់ ក្នុងនោះ ១០% ជាជនជាតិដើមភាគតិចព្នង កួយ និងក្រុមជនជាតិផ្សេងទៀតដែលជីវភាពរស់របស់ពួកគេពឹងអាស្រ័យទៅលើធនធានជលផល ធនធានព្រៃឈើ និងធនធានក្នុងតំបន់ដីសើម។ ផ្ទុយទៅវិញ អាជ្ញាធរ និងប្រជាជនមូលដ្ឋាន ដែលប្រឈមមុខនឹងការអភិវឌ្ឍជាមួយអត្រាភាពក្រីក្រ សន្ទស្សន៍នៃការអភិវឌ្ឍន៍ធនធានមនុស្សទាប ការកើនឡើងបញ្ហាការគំរាមកំហែងដល់ធនធានធម្មជាតិ ប្រព័ន្ធអេកូឡូស៊ី និងជីវៈចម្រុះ រួមទាំងស្ថេរភាព និងទំនាស់។ ភាពងាយរងគ្រោះពីការប្រែប្រួលអាកាសធាតុ គ្រោះមហន្តរាយនានា និងអត្រាការផ្លាស់ប្តូរទីជំរក និងមុខរបរ គឺបណ្តាលមកពីការផ្តល់ដីសម្បទានសេដ្ឋកិច្ច និងការអភិវឌ្ឍផ្សេងៗទៀត។
ដើម្បីដោះស្រាយបញ្ហាទាំងនេះដល់សហគមន៍មូលដ្ឋាន កម្មវិធីដៃគូលើវិស័យព្រៃឈើ និងជលផល (PaFF) នឹងធ្វើការជាមួយសហគមន៍មូលដ្ឋាន និងស្ថាប័នថ្នាក់ក្រោមជាតិក្នុងការបង្កើនសមត្ថភាពដល់សហគមន៍ដើម្បីពង្រីក និងបង្កើនប្រាក់ចំណូលដោយប្រើប្រាស់លើការគ្រប់គ្រងជីវៈចម្រុះ និងធនធានធម្មជាតិប្រកបដោយនិរន្តរភាព។ តាមរយៈកម្មវិធីនេះ រួមចំណែកធ្វើអោយប្រសើរឡើងនៃបរិស្ថាននៅក្នុងតំបន់ ដោយមានការសហការជាមួយអ្នកពាក់ព័ន្ធលើយន្តការដំណើរការនៃការសម្របសម្រួល និងពង្រឹងការធ្វើសេចក្តីសម្រេចចិត្ត រួមទាំងការពង្រឹងសមត្ថភាពបច្ចេកទេសជាមួយអ្នកពាក់ព័ន្ធសំខាន់ៗ ដូចជាគណៈកម្មាធិការសហគមន៍ព្រៃឈើថ្នាក់ខេត្តគណៈកម្មាធិការសម្របសម្រួលជលផល បណ្តាញសហគមន៍ ហើយគណៈកម្មាធិការរៀបចំផែនការថ្នាក់ខេត្ត។ ក្រុមការងារជួយសហគមន៍ព្រៃឈើ និង សហគមន៍ជលផល មន្ទីររៀបចំផែនការប្រើប្រាស់ដី និងតំបន់ទេសភាពថ្នាក់ខេត្ត សហគ្រាសសហគមន៍អាស្រ័យធនធានធម្មជាតិ ក្នុងការសម្របសម្រួលដោះស្រាយជម្លោះ។
កម្មវីធីនេះមានគោលបំណងកែលម្អការបង្កើន និងពង្រីកការគាំទ្រដល់ក្រុម សហគមន៍ព្រៃឈើ និងនេសាទនៅក្នុងខេត្តក្រចេះ និងស្ទឹងត្រែង ដើម្បីអោយសហគមន៍ ជាពិសេសស្ត្រី និងសហគមន៍ជនជាតិដើមភាគតិច ធានាបាននូវការប្រើប្រាស់ធនធានធម្មជាតិដែលជាវិធីមួយដើម្បីកែលម្អសន្តិសុខស្បៀង និងបង្កើនប្រាក់ចំណូល។ ទ្រឹស្តីនៃការផ្លាស់ប្តូរ (Theory of Change) សម្រាប់កម្មវិធីនេះមានបំណងផ្តោតជាសំខាន់ក្នុងការចងក្រងឯកសារ ការតាមដាននូវលទ្ធផលសម្រេចបាន ហើយយុទ្ធសាស្រ្តសម្របខ្លួនទៅតាមបរិបទនៃការផ្លាស់ប្តូរ និងបទពិសោធន៍ ដែលបានមកពីការអនុវត្តគម្រោង តាមរយៈធនធានសម្រាប់អនុវត្តគម្រោង និងចំនុចអាទិភាពរបស់ខ្លួន។
ដៃគូលើវិស័យព្រៃឈើ និងជលផលនៅកម្ពុជា បានផ្តោតលើចំនុចសំខាន់ចំនួនបី៖
លទ្ធផលការរំពឹងទុកទី ១៖ សហគមន៍គោលដៅនៅខេត្តក្រចេះ និងស្ទឹងត្រែងទទួលបាននូវសិទ្ធិអាស្រ័យប្រើប្រាស់ធនធានធម្មជាតិ និងជីវចម្រុះតាមរយៈធានាបាននូវកិច្ចព្រមព្រៀងសហគមន៍ព្រៃឈើ និងនេសាទ និងការគ្រប់គ្រងប្រកបដោយនិរន្តរភាព។
លទ្ធផលការរំពឹងទុកទី ២៖ គ្រួសារភាគច្រើននៅសហគមន៍គោលដៅបង្កើនប្រាក់ចំណូល និងមានជម្រើសប្រភពស្បៀងអាហារតាមរយៈការប្រើប្រាស់ប្រកបដោយនិរន្តរភាពនៃអនុផលព្រៃឈើ និងធនធានមច្ឆាព្រមទាំងមានយុទ្ធសាស្រ្តសម្រាប់គាំទ្រជីវភាពរស់នៅ។
លទ្ធផលការរំពឹងទុកទី ៣៖ បរិយាកាសនៃលក្ខខណ្ឌគោលនយោបាយនៅក្នុងខេត្តក្រចេះ និងស្ទឹងត្រែងត្រូវបានបង្កើន តាមការធ្វើសមាហរណកម្មនៃការវិភាគអត្ថប្រយោជន៍ និងតម្លៃតម្រូវការអភិវឌ្ឍសេដ្ឋកិច្ច និងតម្លៃនៃមូលធនធម្មជាតិ និងសេវាកម្មអេកូឡូស៊ី / ក្នុងក្របខណ្ឌផែនការ និងការសម្រេចចិត្តនៅមូលដ្ឋាន