ຍຸດທະສາດ ແລະ ວິໃສທັດ

ປ່າໄມ້ຊຸມຊົນ/ຫຼືປ່າໄມ້ບ້ານ ແລະ ການຄຸ້ມຄອງປ່າໄມ້ ແບບວິໃສທັດອື່ນໆ ທີ່ກ່ຽວຂ້ອງ ແມ່ນໄດ້ມີການເຫັນດີວ່າ ເປັນບົດຮຽນທີ່ມີປະສິດທິພາບ ໃນການລຸດຜ່ອນ ທາດອາຍພິດເຮືອນແກ້ວ ຈາກການທຳລາຍປ່າໄມ້ ແລະ ເຮັດໃຫ້ປ່າໄມ້ເຊື່ອມໂຊມ ແລະ ສົ່ງເສີມ ການປົກປັກຮັກສາ ແລະ ຟື້ນຟຸປ່າໄມ້. ມັນເປັນວິທີການອັນນື່ງ ທີ່ປັບປຸງສິດທິ, ການຄຸ້ມຄອງ ແລະ ການເຂົ້າເຖີງຜົນປະໂຫຍດ ຢ່າງເທົ່າທຽມກັນ ຂອງຄົນທ້ອງຖິ່ນ ແລະ ຜູ້ປະກອບການທ້ອງຖິ່ນ ເຊີ່ງຈະເຮັດໃຫ້ເຂົາເຈົ້າສາມາດປັບປຸງຊີວິດການເປັນຢູ່ ແລະ ອາຫານການກິນ ຂອງເຂົາເຈົ້າເອງ. ການສະໜັບສະໜູນທາງດ້ານນະໂຍບາຍແຫ່ງຊາດກ່ຽວກັບປ່າໄມ້ບ້ານ ນັ້ນ ແມ່ນມີການເພື່ອຂື້ນ.

ຫ່ວາງມໍ່ໆມານີ້ ລັດຖະບານ ແຫ່ງ ສປປ ລາວໄດ້ໃຊ້ຄວາມພະຍາຍາມ ເພື່ອທີ່ຈະລຸດຜ່ອນການຖາງໄຮ່ ແບບເລື່ອນລອຍ ໂດຍການສົ່ງເສີມໃຫ້ມີການວາງແຜນການນຳໃຊ້ທີ່ດີນ ແລະ ການມອບດິນມອບປ່າ. ຫຼາຍບົດຮຽນທີ່ໄດ້ພົບຜ່ານມາ ສາມາດປະກອບສ່ວນເຂົ້າໃນການປັບປຸງລະບົບນິຕິກຳ ແລະ ນະໂຍບາຍ ຂອງວຽກງານດັ່ງກ່າວໄດ້

ລີຄອບ ລາວ ກຳລັງຊ່ວຍເຫຼືອ ແລະ ຊຸກຍູ້ລັດຖະບານລາວ ໃນ ວຽກງານປ່າໄມ້ບ້ານ ໂດຍການສ້າງຄວາມເຂັ້ມແຂງໃຫ້ກັບພາກສ່ວນທີ່ກ່ຽວຂ້ອງໃນການຈັດຕັ້ງປະຕິບັດວຽກງານປ່າໄມ້ບ້ານ, ຊ່ວຍປັບປຸງນະໂຍບາຍ, ຍຸດທະສາດການສື່ສານ ແລະ ແລກປ່ຽນບົດຮຽນຈາກຫຼາຍໆຂົງເຂດ ຫຼາຍໆປະເທດ.

ຂົງເຂດວຽກງານຫຼັກຂອງ ລີຄອບ ມີຄື:

ການສ້າງໃຫ້ຊຸມຊົນມີຄວາມປອດໄພ ໃນສິດທິຂອງເຂົາເຈົ້າ ກ່ຽວກັບປ່າໄມ້/ສົ່ງເສີມວຽກງານປ່າໄມ້ບ້ານ
ສົ່ງເສີມວຽກງານການຕະຫຼາດ ແລະ ປັງປຸງຊີວິດການເປັນຢູ່ຂອງຊຸມຊົນ
ຄົນ, ປ່າໄມ້ ແລະ ການປ່ຽນແປງດິນຟ້າອາກາດ ແລະ ເຣັດ (ການລຸດຜ່ອນທາດອາຍພິດເຮືອນແກ້ວ ຈາກການທຳລາຍປ່າໄມ້ ແລະ ການເຮັດໃຫ້ປ່າໄມ້ເຊື່ອມໂຊມ
ການຊຸກຍູ້ການປັບປຸງກົນໄກການແກ້ໄຂຂໍ້ຂັດແຍ່ງ ກ່ຽວກັບປ່າໄມ້

ຈຸດປະສົງ:

ສົ່ງເສີມຄວາມສາມາດ ຂອງຄົນທ້ອງຖິ່ນ ເພື່ອທີ່ຈະມີສິດທິ, ການຄຸ້ມຄອງທີ່ດີກວ່າເກົ່າ ແລະ ການແບ່ງປັນຜົນປະໂຫຍດ ຢ່າງເທົ່າທຽມກັນ ຂອງພວກເຂົາເຈົ້າ ໃນວຽກງານປ່າໄມ້ແບບພູມມີທັດ ທີ່ຍືນນານ