ဒေသခံပြည်သူအစုအဖွဲ့ပိုင်သစ်တောလုပ်ငန်းဆောင်ရွက်သူများကွန်ရက် ဖွဲ့စည်းခြင်းဆိုင်ရာ အလုပ်ရုံဆွေးနွေးပွဲကျင်းပ

ဒေသခံပြည်သူအစုအဖွဲ့ပိုင် သစ်တောအသုံးပြုသူများ အချင်းချင်း လုပ်ငန်းဆောင်ရွက်ရာမှ မိမိတို့ရရှိထားသော အောင်မြင်စေသည့် အကြောင်းအရာများ၊ စိန်ခေါ်မှုများနှင့် အခွင့်အလမ်းများ စသည်တို့ကို မျှဝေရန်၊ ဒေသခံ ပြည်သူအစုအဖွဲ့ပိုင်သစ်တောလုပ်ငန်း လက်တွေ့အကောင်အထည်ဖော် ဆောင်ရွက်နေသူများ ကွန်ရက်ဖွဲ့စည်းခြင်းကို စတင်ရန်နှင့် ၎င်းတို့အကြား ပူးပေါင်းဆောင်ရွက်သည့် နည်းလမ်းများဖော်ဆောင်ရန်နှင့် အစုအဖွဲ့ပိုင် သစ် တောအသုံးပြုသူများထံမှ တွေ့ရှိချက်များ၊ အကြံပြုချက်များကို သစ်တောဦးစီးဌါန၊ ယင်းနှင့် ဆက်စပ်နေသော အစိုးရဌါနများ နှင့် ပံ့ပိုးမှုပေးနေသော အဖွဲ့အစည်းများသို့ တင်ပြရန် ရည်ရွယ်၍ RECOFTC - လူနှင့် သစ်တောများဗဟိုဌါန၊ မြန်မာ့ပတ်ဝန်းကျင်ထူထောင်ထိန်းသိမ်းရေးကွန်ယက် MERN၊ FAO-FFF၊ ပျိုးပင် အစီအစဉ်နှင့် သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌါနမှ သစ်တောဦးစီးဌါနတို့ ပူးပေါင်း၍ "ဒေသခံပြည်သူအစုအဖွဲ့ပိုင်သစ်တောလုပ်ငန်း ဆောင်  ရွက်သူများကွန်ရက် ဖွဲ့စည်းခြင်းဆိုင်ရာ အလုပ်ရုံဆွေးနွေးပွဲ" ကို ၂၀၁၆ ခုနှစ် စက်တင်ဘာ ၂၇ ရက်နေ့နှင့် ၂၈ ရက်နေ့အထိ မှော်ဘီသစ်တောကျောင်းတွင် ကျင်းပပြုလုပ်ခဲ့ပါသည်။

 

အဆိုပါ အလုပ်ရုံဆွေးနွေးပွဲသို့ သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌါနမှ အရာထမ်းများ၊ အစိုးရမဟုတ်သော နိုင်ငံတကာနှင့် ပြည်တွင်းရှိ အဖွဲ့အစည်းများ၊ ပုဂ္ဂလိကလုပ်ငန်းရှင်ကြီးများနှင့် ဒေသခံပြည်သူအစုအဖွဲ့ပိုင်သစ်တောအသုံးပြုသူများ စုစုပေါင်း ၁၅၀ ဦးခန့်တက်ရောက်ခဲ့ကြပါသည်။

 

ယင်းနှစ်ရက်တာဆွေးနွေးပွဲတွင် ဒေသခံပြည်သူအစုအဖွဲ့ပိုင်သစ်တောလုပ်ငန်းဆောင်ရွက်သူများကွန်ရက်ဧ။် ရည်ရွယ်ချက်များကို အောက်ပါအတိုင်းချမှတ်ခဲ့ပါသည်။

က)  CF ကွန်ရက်အဖွဲ့ဝင်အချင်းချင်း အတွေ့အကြုံ၊ ဗဟုသုတအောင်မြင်မှုများနှင့် သတင်းအချက်အလက်များကို အပြန်အလှန်လေ့လာမျှဝေနိုင်ရန်၊

ခ) ကွန်ရက်အဖွဲ့ဝင်များ ကြုံတွေ့နေရသော အခက်အခဲပြဿ     နာများကို အဖွဲ့ဝင်အချင်းချင်း ညှိနှိုင်းတိုင်ပင်ဆွေးနွေး အဖြေရှာနိုင်ရန်နှင့် ကွန်ရက်အဖွဲ့အတွင်း ဖြေရှင်းရန် ခက်ခဲသောပြဿ      နာများကို ကွန်ရက်၏ အဆိုပြုမှုဖြင့်

သက်ဆိုင်ရာသို့ တင်ပြ၍ ဖြေရှင်းးဆောင်ရွက်သွားရန်၊

ဂ) ကွန်ရက်အဖွဲ့၏ ချိတ်ဆက်ဆောင်ရွက်မှုဖြင့် အစုအဖွဲ့ပိုင်သစ်တောလုပ်ငန်းဆိုင်ရာ မူဝါဒ၊ လုပ်ထုံးလုပ်နည်းများပိုမိုအားကောင်းလာစေရန်နှင့်

ဃ) ကွန်ရက်ချိတ်ဆက်ခြင်းဖြင့် ဒေသခံပြည်သူအစုအဖွဲ့ပိုင်သစ်တောမှ ထုတ်လုပ်မှုများနှင့် ဈေးကွက်ချိတ်ဆက်မှုအားကောင်းလာစေရန် တို့ကို ဖော်ထုတ်ခဲ့ပါသည်။

 

ထို့အပြင် ကွန်ရက်ဖွဲ့စည်းပုံ၊ လက်ရှိ အစုအဖွဲ့ပိုင်သစ်တောလုပ်ငန်း ဆောင်ရွက်မှုတိုးတက်မှုအခြေအနေ၊ ကွန်ရက်၏သဘောတရား၊ ကွန်ရက်ဖွဲ့စည်းခြင်းအတွေ့အကြုံ ဖလှယ်ခြင်းများကို နှစ်ရက်တာအတွင်းအောင်မြင်စွာပြုလုပ်ခဲ့ကြပါသည်။