កម្មវិធីហ្រ្គីនមេគង្គ (Green Mekong Program) វេទិកាក្រុមសិក្សាថ្នាក់តំបន់ស្តីពី អភិបាលកិច្ចព្រៃឈើ ប្រកបដោយសមធម៌លើកទី ៣
សាវតារ
កម្មវិធីសមធម៌ និងការពង្រឹងបណ្តាញនៅមូលដ្ឋាន (GREEN Mekong) ដែលគំាទ្រមូលនិធិដោយទីភ្នាក់ងារសហរដ្ឋអាមេរិក ដើម្បី អភិវឌ្ឍន៍អន្តរជាតិ (USAID) ជាផ្នែកមួយដ៏សំខាន់ដល់ការកសាងសមត្ថភាពដល់មន្រ្តីរដ្ឋាភិបាល ពាក់ព័ន្ធស្តីពីសមធម៌សង្គម នៅក្នុង អភិបាលកិច្ចព្រៃឈើ។ កម្មវិធីនេះបង្កើតឲ្យមាននូវវេទិការៀនសូត្រថ្នាក់តំបន់នេះឡើង ក្នុងគោលបំណងណែនាំ វាយតម្លៃ និង រៀបចំ ផែនការសកម្មភាពពង្រឹងសមធម៌ក្នុងអភិបាលកិច្ចព្រៃឈើ។ មន្រ្តីរដ្ឋបាលព្រៃឈើ/មន្រ្តីរដ្ឋាភិបាលថ្នាក់ក្រោមជាតិមកពីប្រទេសមហាអនុតំបន់ទន្លេមេគង្គ (ប្រទេសកម្ពុជា ឡាវ ថៃ និងវៀតណាម) ត្រូវបានអញ្ជើញចូលរួមក្នុងបណ្តាញរៀនសូត្រថ្នាក់តំបន់នេះ។ វេទិកានីមួយៗ បានឱកាសឲ្យអ្នកចូលរួមលើកឡើងនូវគំនិតឆ្នៃប្រឌិតថ្មីៗរបស់ខ្លួនដើម្បីចែករំលែក និង ប្រាស្រ័យទាក់ទងគ្នាទៅវិញទៅមកក្នុងចំណោមសមាជិកក្រុមរបស់ខ្លួន ព្រមទាំងជាមួយសមាជិកក្រុមមកពីប្រទេសផ្សេងៗទៀត។ អ្នកចូលរួមទាំងអស់ផ្លាស់ប្តូរយោបល់គ្នាទៅវិញទៅមក និងយកគោលការណ៍សមធម៌ទៅបញ្ជ្រាបក្នុងបរិបទការងាររៀងៗខ្លួន ដោយរៀនសូត្រពីគ្នាទៅវិញទៅមក ក៏ដូចជាពីបទពិសោធន៍នៃការចុះទៅទស្សកិច្ចសិក្សានៅសហគមន៍ (site visits)។ សកម្មភាពទាំងនេះរួមចំណែក បង្កើនយល់ដឹងអំពីសមធម៌ និង ជំនាញសម្របខ្លួន (Engagement Skills) ដែលជាតម្រូវការក្នុងអភិបាលកិច្ចព្រៃឈើ។
ក្រុមសិក្សាថ្នាក់តំបន់ស្តីពី អភិបាលកិច្ចព្រៃឈើប្រកបដោយសមធម៌នេះ ខុសប្លែកពីវេទិកាផ្សេងទៀត ដោយសារវេទិការៀនសូត្រនេះផ្តោតជាពិសេសទៅលើមន្រ្តីរដ្ឋបាលព្រៃឈើនៅថ្នាក់ក្រោមជាតិ និងនៅថ្នាក់មូលដ្ឋាន ដែលជាធម្មតាពួកគាត់ធ្វើការផ្ទាល់ជាមួយសហគមន៍មូលដ្ឋាន និងមានកាតព្វកិច្ចអនុវត្តគោលនយោបាយ និងបទដ្ឋានច្បាប់ស្តីពីអភិបាលកិច្ចព្រៃឈើនៅថា្នក់មូលដ្ឋាន។ បណ្តាញរៀនសូត្រថ្នាក់តំបន់ស្តីពីអភិបាលកិច្ចព្រៃឈើប្រកបដោយសមធម៌ មានគោលបំណងរួម ក្នុងការជម្រុញឲ្យមានការផ្លាស់ប្តូឥរិយាបទរបស់អ្នកចូលរួមពីការអនុវត្តការគ្រប់គ្រងព្រៃឈើ ឲ្យរួមបញ្ចូលតួនាទីរបស់អ្នសម្របសម្រួលនៅមូលដ្ឋាន បណ្តុះស្មារតីយល់ដឹងអំពីគុណតម្លៃ និងសារៈសំខាន់របស់សមធម៌នៅក្នុងអភិបាលកិច្ចព្រៃឈើ។ គេរំពឹងទុកថាអ្នកចូលរួមរួមទាំងអស់នឹងអាចយកជំនាញដែលពួកគេបានរៀនទៅអនុវត្តន៍ក្នុងស្ថាប័នរបស់ពួកគេ។
គោលបំណង
គោលបំណងវេទិការៀនសូត្រថ្នាក់តំបន់នេះរួមមាន៖
- កសាងសមត្ថភាពអំពីសមធម៌សង្គម និង បរិយាប័ន្នសង្គម (social inclusion) ដល់មន្រ្តីរដ្ឋាភិបាលថ្នាក់ក្រោមជាតិ (ខេត្ត ស្រុក ឬ ឃុំ ) ដែលជាបុគ្គលសំខាន់ក្នុងការអនុវត្តសកម្មភាពគ្រប់គ្រងព្រៃឈើ
- ផ្តល់ឱកាសសម្រាប់អ្នកពាក់ព័ន្ធនៅមូលដ្ឋានក្នុងការលើកឡើងពីទស្សនវិស័យ និងការយល់ឃើញអំពីសមធម៌ព្រៃឈើ និង ការប្រែប្រួលអាកាសធាតុ ដែលនឹងត្រូវផ្សព្វផ្សាយទៅដល់មន្រ្តីរដ្ឋាភិបាលថ្នាក់ក្រោមជាតិ ដែលជះឥទ្ធិពលដោយផ្ទាល់នៅដល់ថ្នាក់មូលដ្ឋាន
- ប្រមូលនូវរាល់អនុសាសន៍ស្តីពីសមធម៌ ដែលនឹងត្រូវយកទៅបញ្ចូលទៅការផ្តួចផ្តើមថ្មីៗនៅថ្នាក់ជាតិ ហើយបន្ទាប់នៅថ្នាក់តំបន់ (ឧទាហរណ៍៖ នៅក្នុងសន្និសីទ និង កិច្ចប្រជុំប្រចាំឆ្នាំរបស់បណ្តាលព្រៃឈើអាសាន ASFN)
- ជំរុញកិច្ចពិភាក្សា និងកិច្ចសហប្រតិបត្តិការណ៍ពហុប្រទេស ស្តីពីសមធម៌នៅថ្នាក់មូលដ្ឋានរវាងមន្ត្រីថ្នាក់ក្រោមជាតិ និង ថ្នាក់មូលដ្ឋាន។
- ការប្រកាសជាផ្លូវការនៃសមាជិកក្រុមរៀនសូត្រថ្នាក់តំបន់ និងការរៀបចំវេទិកាលើកទី១ បានធ្វើឡើងនៅទីក្រុងឈៀងម៉ៃ ព្រះរាជាណាចក្រថៃ កាលពីថ្ងៃទី២៨ ខែមេសា ដល់ថ្ងៃទី២ ខែឧសភា ឆ្នាំ២០១៤ ដែលមានអ្នកចូលរួមសរុបចំនួន ២២នាក់ មកពីប្រទេសកម្ពុជា ៥នាក់ ប្រទេសឡាវ ៥នាក់ ប្រទេសថៃ ៥នាក់ និងប្រទេសវៀតណាម ៥នាក់។ កម្មវិធីនេះរួមបញ្ចូលទាំង ទស្សនកិច្ចទៅសហគមន៍ (field visit) ចំនួន ០១ថ្ងៃ ផងដែរ និង០៤ថ្ងៃទៀតជា សិក្ខាសាលាដែលរួមមានការណែនាំអំពីទស្សនទាន និងគោលការណ៍ស្តីអំពីសមធម៌ សង្គម ធាតុផ្សំសំខាន់ៗនៃសមធម៌ និងបញ្ហាដែលកើតមានក្នុងអភិបាលកិច្ចព្រៃឈើបច្ចុប្បន្ននៅក្នុងប្រទេសនៅ តំបន់មេគង្គ។
- វេទិកាលើកទី២ ត្រូវបានធ្វើឡើងនៅទីក្រុងវ៉េ (Hue) ប្រទេសវៀតណាម ចាប់ពីថ្ងៃទី៩ ដល់ ១២ ខែកញ្ញា ឆ្នាំ២០១៤។ វេទិកាលើកទី២ ផ្តោតជាសំខាន់លើការពិនិត្យមើលទៅលើស្ថានភាពសមធម៌ជាក់ស្តែងក្នុងប្រទេសនីមួយៗ និង ការផ្តល់គោលការណ៍ណែនាំទៅដល់មន្រ្តីថ្នាក់ក្រោមជាតិ ក្នុងការកំណត់បញ្ហាសមធម៌ នៅក្នុងបរិបទការងាររបស់ពួកគេ។ នៅចុងបញ្ចប់នៃវេទិកាលើកទី២ នេះ អ្នកចូលរួមបានរៀបចំផែនការអនុវត្តប្រចាំប្រទេសរៀងៗខ្លួន ក្នុងគោលបំណងកំណត់បាននូវបញ្ហាតាមរយៈករណីសិក្សា និងការអនុវត្តការងារល្អក្នុងអភិបាលកិច្ចព្រៃឈើដើម្បីធ្វើជាគម្រូ។ សមាជិករបស់ក្រុមសិក្សាថ្នាក់តំបន់បានចងក្រង និង ប្រមូលទិន្នន័យ និង ព័ត៌មានទាក់ទងនានា ផ្អែកលើការវាយតម្លៃបន្ថែមទៀតទៅលើសមធម៌ ដែលអាចធ្វើទៅបានជាផ្នែកមួយនៃការងារបន្តបន្ទាប់ទៀតនៅពេលខាងមុខ។
- វេទិការៀនសូត្រថ្នាក់តំបន់លើកទី៣
ដោយយោងទៅលើសកម្មភាពនានាក្នុងវេទិកាលើកទី១ និងលើកទី២ កន្លងមក វេទិកាលើកទី៣ នេះមានគោលដៅសម្រេចឲ្យបាននូវគោលបំណងដូចខាងក្រោមនេះ៖
- ដើម្បីរំលឹក និងពិនិត្យមើលឡើងវិញនូវទស្សនទានរបស់សមធម៌ក្នុងអភិបាលកិច្ចព្រៃឈើ នៅក្នុងបរិបទរបស់ប្រទេសរៀងៗខ្លួន និងបណ្តាប្រទេសផ្សេងៗក្នុងតំបន់មេគង្គដោយផ្អែកលើវេទិកាលើកទី ២
- ដើម្បីចែករំលែក និង បង្ហាញលទ្ធផលរកឃើញ និង ការសង្កេតទៅលើបញ្ហាស្តីពីសមធម៌នៅក្នុងប្រទេសនីមួយក្នុងអភិបាលកិច្ចព្រៃឈើ ដោយផ្អែកលើផែនការសកម្មភាពដែលបានធ្វើឡើងក្នុងវេទិកាលើកទី២ នៅក្នុងទីក្រុងវ៉េ ប្រទេសវៀតណាម
- ដើម្បីពិនិត្យទៅលើវិធីសាស្រ្តផ្សេងៗដែលបានប្រើប្រាស់ក្នុងការធ្វើឲ្យប្រសើរឡើងនូវសមធម៌សង្គម និង ការភ្ជាប់ទំនាក់ទំនងរបស់ភាគីពាក់ព័ន្ធ
- រៀបចំផែនការសកម្មភាព ដើម្បីផលិតសំភារៈផ្សព្វផ្សាយ (ឧទាហរណ៍ៈ កូនសៀវភៅសំណួរ និងចំលើយ ឯកសារវីដេអូរ ផ្ទាំងរូបភាព និង ខិតប័ណ្ណជាដើម)ស្តីអំពីបញ្ហាសមធម៌ក្នុងបរិបទប្រទេសនីមួយៗ។
ទីកន្លែង និងកាលបរិច្ឆេទដែលបានស្នើឡើង សម្រាប់វេទិកាលើកទី៣ នេះ៖
កាលបរិច្ឆេទ : ពីថ្ងៃទី ២ ដល់ទី ៧ ខែមិនា ឆ្នាំ ២០១៥
ប្រទេស : ព្រះរាជាណាចក្រកម្ពុជា
ទីតាំង និង ទស្សនកិច្ចសិក្សាមូលដ្ឋាន :ខេត្តសៀមរាប