វគ្គបណ្តុះបណ្តាលស្តីពី ការកត់ត្រា និងការគ្រប់គ្រងហិរញ្ញវត្ថុ នៃក្រុមឥណទានសហគមន៍ព្រៃឈើ

វគ្គបណ្តុះបណ្តាលនេះ មានសិក្ខាកាមសរុបចំនួន ២១នាក់ មកពីក្រុមឥណទានសហគមន៍ព្រៃឈើ​ចំនួន៥ ក្រុម ក្នុងចំណោមឥណទានសហគមន៍ទាំង១២ ដោយក្រុមឥណទានចំនួន២ ដែលទើបបង្កើតមាន​អ្នកចូលរួមចំនួន ៦នាក់ ក្នុងមួយសហគមន៍ និងសហគមន៍ចំនួន ០៣ មានអ្នកចូលរួមចំនួន ៣នាក់ក្នុងមួយសហគមន៍។  

វគ្គបណ្តុះបណ្តាលនេះមានគោលបំណង ៖

• សិក្ខាកាមយល់ដឹងពីការកត់ត្រាចំណូលចំណាយ​ ការប្រើប្រាស់ទម្រង់ស្នើសុំខ្ចីប្រាក់ កិច្ចសន្យាខ្ចីប្រាក់ សៀវភៅ​បេឡាចំណូលចំណាយ និងការវិភាជការប្រាក់ប្រចាំខែទៅតាមលក្ខន្តិកៈឥណទាននៃសហគមន៍នីមួយៗ និងរបាយការណ៍ហិរញ្ញវត្ថុ
• អ្នកពាក់ព័ន្ធចូលរួមត្រួតពិនិត្យតាមដានដំណើរការឥណទានសហគមន៍ព្រៃឈើ។