ຕົວແບບສຳລັບການຟື້ນຟູປ່າໄມ້ ແລະ ປັບປຸງຊີວິດການເປັນຢູ່ ໃນ ສປປ ລາວ

ນະໂຍບາຍຫຍໍ້ນີ້ຊີ້ແຈງວິທີການທີ່ຕ້ອງປະຕິບັດ ວ່າຕ້ອງເຮັດແນວໃດ ເພື່ອສ້າງຄູ່ຮ່ວມງານທີ່ເນັ້ນໃສ່ ການຜະລິດ ລະຫວ່າງ ຊຸມຊົນປ່າໄມ້ ແລະ ພາກເອກະຊົນ ໂດຍໄດ້ຮັບການສະໜັບສະໜູນຈາກ ລັດຖະບານ ເຊິ່ງສາມາດປັບປຸງຊິວິດການເປັນຢູ່ ແລະ ພັດທະນາເສດຖະກິດ ໄປພ້ອມກັບການຟື້ນຟູພູມີທັດ ປ່າໄມ້

ນະໂຍບາຍດັ່ງກ່າວ ໄດ້ຖອດຖອນບົດຮຽນຈາກປະສົບການຢູ່ ແຂວງບໍ່ແກ້ວ ແລະ ແຂວງໄຊຍະບູລີ ທີ່ ອົງການລີຄອບ ໄດ້ອຳນວຍຄວາມສະດວກໃນການສ້າງຂໍ້ຕົກລົງວ່າດ້ວຍການສ້າງຄູ່ຮ່ວມງານ ລະຫວ່າງກຸ່ມ ເຈົ້າຂອງສວນໄມ້ສັກ ຂະໜາດນ້ອຍ ແລະ ໂຮງເລື່ອຍເອກະຊົນ. 

ໂດຍໄດ້ຮັບການສະໜັບສະໜູນຈາກ ລັດຖະບານ, ໂຄງການ ໄດ້ກະຕຸກຊຸກຍູ້ການປູກໄມ້, ສົ່ງເສີມການຄຸ້ມຄອງປ່າໄມ້ ແບບຍືນຍົງ, ເພີ່ມລາຍຮັບ ແລະ ປັບປຸງການສະໜອງວັດຖຸດິບ ລວມທັງ ໄມ້ທ່ອນທີ່ຖືກຕ້ອງຕາມກົດໝາຍ ໃຫ້ພາກເອກະຊົນ. 

ໂຄງການ ຟຼໍລິດ (FLOURISH) ເປັນໂຄງການການຟື້ນຟູ ພູມີທັດ ປ່າໄມ້ ແບບໃໝ່ ທີ່ມີໄລຍະການຈັດຕັ້ງປະຕິບັດ 4 ປີ ທີ່ນຳໃຊ້ທ່າແຮງຂອງຕະຫຼາດ ປະສົມປະສານກັບ ປ່າໄມ້ຊຸມຊົນ ເພື່ອຕໍ່ສູ້ກັບການປ່ຽນແປງຂອງສະພາບດິນຟ້າອາກາດ, ຟື້ນຟູ ປ່າໄມ້ ທີ່ເສື່ອມໂຊມ ແລະ ປັບປຸງຊິວິດການເປັນຢູ່ຂອງຊຸມຊົນປ່າໄມ້. ອົງການ ລີຄອບ (RECOFTC) ໄດ້ເປີດໂຕ ໂຄງການ ຟຼໍລິດ ຢູ່ ສປປ ລາວ, ປະເທດໄທ ແລະ ສສ ຫວຽດນາມ ໃນປີ 2018.